LUGINA E PRESHEVËS "KONFLIKT I NGRIRË" NË VITIN 2017

Të gjithë qytetarëve të Luginës së Preshevës, si dhe të gjithë shqiptarve kudo që janë, i urojmë 

   Gëzuar Vitin e Ri 2017 

dhe u dëshirojmë paqe, lumturi, mirëqenie e prosperitet të gjithëmbarshëm ekonomik, shoqëror e kombëtar.

Urojmë që viti 2017 të jetë një vit i këndelljes definitive të faktorit mbarëshqiptar, e sidomos të qeveritarëve të Kosovës dhe negociatorëve të Brukselit, se pa përfshirjen e çështjes së shqiptarve të Luginës së Preshevës në atë dialog, nuk ka drejtësi dhe nuk mund të ket as paqë, mirëqenie e stabilitet në Ballkan!

Unioni Europian, i ndihmuar nga shkurtëpamësia dhe nga grykësia e verbëria sahanlëpirëse e dialoguesve jokurrizorë e jokompetentë të palës kosovare, me indiferencën dhe plogështinë e komisioneres së lartë Frederica Mogherini dhe me antishqiptarizmin e antikosovarizmin paranojak të palës serbe, druajmë se nuk janë duke vendosur paqë e stabilitet të mirëfilltë.

Përkundrazi!

Mbyllja e syve dhe mosinteresimi për vendosje të recoprocitetit midis të drejtave dhe lirive të serbëve të Kosovës me ato të shqiptarve në Serbi paraqet "ngrirje" të konfliktit dhe "mbjellje e farës" së një konlikti dhe lufte të re, të rrezikëshme dhe me përmasa të paparashikueshme në Ballkan dhe më gjërë!

Urojmë që pala kosovare në vitin 2017, më në fund të këndellet dhe ta kuptoj se nuk është e drejtë, nuk është korrekte e as njerëzore që të synoj ta ndërtoj mirëqenien dhe paqen për shqiptarët dhe për të gjithë qytetarët e Republikes së Kosovës, duke shkelur mbi të drejtat elementare të shqiptarve të Luginës së Preshevës, duke i harruar ata dhe duke i përjashtuar plotësisht e duke mos i përfshirë fare në Dialogun e Brukselit. 

Sepse, kësaj i vie erë e rëndë e tradhëtisë kombëtare!

Jemi thellësisht të bindur se pa përfshirjen e çështjes së shqiptarve në Dialogun Kosovë-Serbi në Bruksel, Kosova nuk mund të ketë stabilitet e rehati, por do të ketë destruktivitet të palës serbe, e cila do të minoj implementimin e çfarëdo marrëveshjeje, duke e bllokuar bashkimin e qytetit të Mitovicës me "park", mur apo me forma të tjera, duke imponuar dhunshëm ndarjen e Kosovës.

Nuk mund të ket integrim të serbëve në institucionet dhe sovranitetin e Republikës së Kosovës, pa detyrimin dhe obligimin e Serbisë që ta bëjë të njejtë gjë për shqiptarët në Serbi!

Sepse, kryeministrat Hashim Thaçi e Isa Mustafa kanë mbjellur iluzione utopiste tek shqiptarët, e në rend të parë janë duke e mashtruar vetveten se mund të ket sukses dialogu Prishtinë-Beograd në kushte të pabarazisë së palëve negociuese, duke i favorizuar deri në ekstrem serbët e Kosovës dhe duke i injoruar plotësisht shqiptarët e Luginës së Preshevës.

Urojmë që viti 2017 të jet vit i këndelljes dhe vetëdijësimit se edhe shqiptarët e Luginës janë njerëz dhe nuk duhet shkelur e harruar. 

Mos të harrojmë se kjo pjesë e Shqiptarisë është cilësuar si komuniteti më i diskriminuar në Europë. 

Prandaj, kujdes! 

Mos të prodhojmë konflikte të reja, por zgjidhni probleme me drejtësi dhe në parime të barazisë dhe demokracisë së mirëfilltë!

Zoti i bekoftë të gjithë shqiptarët, kudo që janë!

Gëzuar!!!

Kryetari,

Nehat Hyseni 

Prishtinë, më 31 dhjetor 2016

URIME 104 VJETORI I PAVARËSISË!

Ne Shqiptarët e Luginës së Preshevës që jetojmë e veprojmë në Kosovë, në kuadër të SHQLPK-së me seli në Prishtinë, të gjithë Shqiptarve kudo që janë, i urojmë Ditën e Flamurit dhe 104 Vjetorin e Pavarësisë së Shqipërisë.

Urojmë që vitin e ardhshëm, dmth 105 Vjetorin e Pavarësisë ta festojmë me fitore dhe suksese të reja drejt integrimit euroatlantik të Shqiptarve, si objektiv historik i yni për t'u radhitur në mënyrë të merituar dhe dinjitoze në gjirin e kombeve dhe shteteve të demokracisë moderne dhe vlerave më sublime të civilizimit bashkëkohorë.

Ky integrim në vlerat dhe rrjedhat universale të progresit shoqëror, ekonomik, politik, kulturor e civilizues, nuk mund të arrihet pa integrimin e mirëfilltë dhe të sinqertë brendashqiptar, si një tërësi unike dhe një shpirt i pandarë i të gjithë Shqiptarve kudo që janë: në Shqipëri, Kosovë, Maqedoni, Mal të Zi, Luginë të Preshevës, Çamëri dhe në mbarë diasporën Shqiptare gjithandej në ruzullin tokësor.

Urime Dita e Flamurit dhe Pavarësisë të gjithë Shqiptarve dhe viseve kudo që flitet shqip!

Zoti i bekoftë të gjithë Shqiptarët dhe nënqiellin ku flitet, këndohet e vajtohet, punohet, punohet e jetohet shqip!

Kryetari,

Nehat Hyseni

Prishtinë, më 27 nëntor 2016

URIME FESTËN E KURBAN BAJRAMIT

Të gjithë besimtarëve myslimanë, e veçanërisht shqiptarve, kudo që janë, i urojmë 

FESTËN E KURBAN BAJRAMIT 

Dhe u dëshirojmë paqe, lumturi, mirëqenie e prosperitet.

Zoti i bekoftë të gjithë 

Myslimanët në botë!

Zoti i bekoftë të gjithë Shqiptarët, kudo që janë!

Prishtinë, më 12 shtator 2016

Të gjithë besimtarve myslimanë i urojmë festën e 

FITËR BAJRAMIT 

dhe urojmë që Zoti i Madhërishëm t'ua pranoj agjërimin, sakrificat, lutjet dhe ibadetet dhe të gjithë të festojnë në paqe, gëzime e lumturi familjare, me miqë, farefis e me më të dashurit tuaj.

Kryetari,

Mr. Nehat Hyseni 

Prishtinë, 

më 4 korrik 2016

Urime për Muajin e Shenjtë, RAMAZANIN!

Të gjithë besimtarve islamë të Shqipërisë, Kosovës, Maqedonisë, Malit të Zi, Bosnjes dhe të Luginës së Preshevës, si dhe të gjithë myslimanëve gjithandej në botë, i urojmë Muajin e Shenjtë RAMAZANIN dhe u dëshirojmë agjërim të lehtë, duke lutur Zotin e Gjithmëshirshëm që t'ua pranoj të gjithëve sevapet e agjërimit, lutjeve dhe ibadeteve e devotshmërisë.

Zoti i Madhëruar i bekoftë të gjithë shqiptarët dhe myslimanët, kudo që janë!

Me respekt e dashuri vëllazërore,

Kryetari,

Mr. Nehat Hyseni

Prishtinë, më 5 qershor 2016

Mbledhja e tretë e dy qeverive, zhgënjyese për shqiptarët e Luginës së Preshevës!

Mbledhja e tretë e dy qeverive, Shqipëri-Kosovë, që u mbajtë më 3 qershor 2016 në Prishtinë, kaloi me disa fraza të thata të Edi Ramës dhe të anashkalimit të plotë të çështjes së shqiptarve të Luginës së Preshevës.

Ky realitet i hidhur është dëshprues dhe tmerrësisht zhgënjyes për shqiptarët e Luginës. 

Porosia politike nga ky mosinteresim i pabesueshëm dhe nga anashkalimi, indiferentizmi dhe neglizhimi fyes ndaj kësaj pjese të Shqiptarisë, është frustruese dhe e rrezikëshme.

Deklarimi i Edi Ramës se "të drejtat e shqiptarve të Luginës së Preshevës duhet të respektohen nga Serbia, ashtu si respektohen të drejtat e serbëve në Kosovë", paraqet një kërkesë "sa për sy e faqe", karshi opinionit: pa përmbajtje dhe pa porosi të qartë dhe eksplicite politike!

Vallë, si do t'i respektoj Serbia të drejtat e shqiptarve të Luginës, pa përfshirjen e tyre në dialogun Kosovë-Serbi në Bruksel? 

Këtë Edi Rama dhe Isa Mustafa, nuk e thonë!

Si do të detyrohet Serbia që ta ndërpres diskriminimin gjenocidal ndaj shqiptarve të Luginës, kur dihet se ata janë braktisur dhe janë lënë pamëshirshëm, pa kurrëfarë garancash e pa kurrëfarë monitorimi ndërkombëtar, nën mëshirën dhe nën vullnetin e munguar të qeverisë antishqiptare të Serbisë, që aktualisht qeveriset nga pasardhësit politikë të vojvodës çetnik, Vojisllav Sheshelit, i cili dikur kërcnohej se "do t'i shpërngul të gjithë shqiptarët matanë Bjeshkëve të Nemura"?!

Këtë nuk e tha as Z. Rama, e as Z. Mustafa!

 Kurse, pa këto garanca ndërkombëtare, Lugina do të boshatiset shumë shpejt, madje me "bekimin" e Shqipërisë dhe Kosovës, ashtu si u braktis dikur Çamëria nga qeveria komuniste e Enver Hoxhës.

Shqetësimi ynë pas kësaj mbledhje të dy qeverive, në vend që të zvogëlohej, ai u shtua edhe më shumë. 

Mllefi dhe zhgënjimi popullor dhe gjendja e pashpresë, si dhe ndjenja se ata definitivisht janë braktisur nga vëllezërit shqiptarë dhe nga qeveritë e dy shteteve shqiptare në Ballkan, si dhe nga miqtë ndërkombëtarë, paraqet rrezik për stabilitetin, balancën, ekuilibrin politik dhe për stabilitetin dhe paqen në rajon.

Vetëm atëherë kur do të përfshihet Lugina në dialogun e Brukselit dhe kur shqiptarët e Luginës së Preshevës të trajtohen sikur serbët në Kosovë, do të kenë kuptim dhe do të merren seriozisht deklaratat e Edi Ramës dhe të Isa Mustafës, si dhe  të politikanëve të tjerë nga Shqipëria e Kosova dhe do t'u besohet se e kanë me sinqeritet  dhe me përkushtim vëllazëror, ashtu si i trajton dhe si interesohet e kujdeset institucionalisht e politikisht Serbia për serbët e Kosovës.

Mbase, ka ardhur koha që t'i thuhet troç dhe pa ekuivoke: stop frazave të thata, boshe e frustruese dhe të bëhen vepra dhe hapa të domosdoshëm në ruajtjen e substancës kombëtare të shqiptarve, kudo që janë, e sidomos atyre në Luginë të Preshevës, të cilët aktualisht janë cilësuar si komuniteti më i diskriminuar në Europë!

Zoti e bekoftë Shqipërinë, Kosovën, Luginën e Preshevës dhe të gjithë shqiptarët, kudo që janë!

Me respekt dhe dashuri të pafund vëllazërore,

Kryetari,

Mr. Nehat Hyseni

Prishtinë, më 3 qershor 2016

Shqipëri dhe Kosovë, mos e neglizhoni çështjen e shqiptarve të Luginës së Preshevës!

Mbledhja e përbashkët e dy qeverive shqitare, e Kosovës dhe Shqipërisë, po afrohet! 

Ka mbetur vetëm pak kohë deri të premten, më 3 qershor 2016, por nuk kemi asnjë informacion për ndonjë kontakt të kreut të ri politik të Luginës së Preshevës, të dalur nga zgjedhjet e 24 prillit 2016, me këto qeveri dhe as për ndonjë përgatitje eventuale për futjen e çështjes së shqiptarve të Luginës në agjendë të kësaj mbledhje.

Kjo neglizhencë na shqetëson dhe na brengosë shumë neve, shqiptarve të Luginës, që jetojmë e veprojmë në Kosovë.

Duam të përkujtojmë se, më 6 qershor bëhen tre vjet të plota nga miratimi i Rezolutës së Kuvendit të Kosovës për Luginën e Preshevës dhe akoma ka mbetur e pa realizuar. 

Ndërkaq, gjendja e shqiptarve në Luginë është përkeqësuar edhe më shumë. 

Kurse, situata dramatike e destabilitetit politik dhe pasigurisë në Maqedoni, rrezikon edhe Luginën e Preshevës, meqë edhe ngjarjet e vitit 2000-2001 në Luginë dhe ato të vitit 2001-2002 në Maqedoni, dëshmuan se zjarri i luftës në këtë rajon i përfshinë të gjithë.

Shqetësimi ynë për mospërfshirjen e Luginës në dialogun e Brukselit është i madh dhe gjendja e shqiptarve të Luginës së Preshevës nuk mund të zgjidhet pa bashkëpunim të ngushtë, intensiv, të sinqertë dhe vëllazërorë e institucional me Shqipërinë dhe Kosovën.

Andaj, apelojmë që kjo çështje të mos neglizhohet nga lidershipi i ri i Luginës, si dhe nga z. Rama e z. Mustafa si kryeministra.

 Sepse, pasojat do jenë katastrofale!

Destabilizimi i Luginës dhe Maqedonisë do e rrezikoj e destabilizoj edhe Kosovën e Shqipërinë. 

Këtë e ka dëshmuar katërcipërisht historia jonë më e re, se fati i shqiptarve, kudo që janë, është një dhe i pandarë! 

Rasti i heqjes së Lapidarit të dëshmorëve në Preshevë nga xhandarmeria e Serbisë, më 20 janar 2013, shkaktoi revoltë dhe destabilizoi edhe Kosovën, me rrënimin e varrezave serbe, etj.

Prandaj, çështja e mjerë dhe diskriminuese e shqiptarve të Luginës duhet të jetë në krye të agjendës së mbledhjes së 3 qershorit, që nuk guxon kurrësesi të neglizhohet apo të anashkalohet!

Zoti e bekoftë Republikën e Kosovës, Shqipërinë dhe Luginën e Preshevës!

Zoti i bekoftë të gjithë shqiptarët, kudo që janë!

Me respekt dhe dashuri të pafund vëllazërore,

Kryetari i SHQLPK-së,

Mr. Nehat Hyseni 

Prishtinë, më 31 maj 2016

Dy qeveritë shqiptare të vendosin që çështja e shqiptarve të Luginës së Preshevës të kyçet në Dialogun e Brukselit!

Përshëndesim dhe falemnderojmë përzemërsisht për reflektimim e Ministres për Dialog të Qeverisë së Republikës së Kosovës, z. Edita Tahiri, si dhe për propozimin e saj që në Mbledhjen e Tretë të dy qeverive, që do të mbahet më 3 qershor 2016, në Bibliotekën Kombëtare të Kosovës, në Prishtinë, të futet në agjendë edhe çështja e shqiptarve të Luginës së Preshevës.

Meqë zonja ministre është udhëheqëse e bisedimeve në Bruksel, shpresojmë që edhe çështja e shqiptarve të Luginës së Preshevës të futet në agjendë të këtij Dialogu, si çështje plotësisht e barabartë me atë të serbëve të Kosovës.

Sepse, konsiderojmë se kështu do i ndihmohej më së miri kësaj pjese të Shqiptarisë, e cila pas vitit 1999 ka mbetur e vetmuar, si jetime nën mëshirën dhe urrejtjen e tërbuar antishqiptare të Serbisë.

Por, në këtë mënyrë do t'i ndihmohej edhe Republikës së Kosovës. Sepse, poqese do të aplikohej me konsekuencë dhe vendosmëri shtetformuese parimi i reciprocitetit midis këtyre dy çështjeve, dmth. midis çështjes së serbëve të Kosovës dhe çështjes së shqiptarve të Luginës së Preshevës, kërkesat joreale, megalomane dhe mospërfillëse të serbëve ndaj shtetit të Kosovës do të reduktoheshin në masë të madhe dhe do bëheshin më realiste dhe më të arsyeshme. 

Njëkohësisht, me futjen e çështjes së shqiptarve në Dialogun e Brukselit, Serbia më lehtë do të kushtëzohej dhe detyrohej për zbatimin më të disiplinuar dhe gjithsesi më pak do të jetë e interesuar për shmangjen dhe eskivimin e realizimit të obligimeve nga Dialogu i Brukselit.

Vetëm në këtë mënyrë, pra, duke i trajtuar shqiptarët e Luginës së Preshevës si të barabartë me serbët e Kosovës, do t'i ndëpritej rruga realizimit ogurzi të Asociaciont të Komunave me shumicë serbe apo "Zajednicës ", që pretendon të realizohet si "Republikë Serbe", që realisht e sfidon Pavarësinë dhe Sovranitetin e Republikës së Kosovës, por dhe fyen rëndë ndjenjat patriotike e shtetformuese të popullit të Kosovës dhe të të gjithë shqiptarve në Ballkan, që realisht paraqet rrezik për paqen dhe stabilitetin në rajon, duke e shndërruar në vatër krize, konfliktesh të armatosura dhe në luftë me pasoja shumë të rrezikëshme dhe të paparashikueshme në këtë pjesë të Europës.

 Lufta e vitit 1999 në Kosovë, konflikti i armatosur i vitit 2000-2001 e UÇPMB-së në Luginë të Preshevës dhe Lufta 2001-2002 e UÇK-së në Maqedoni, mjerisht paraqesin rrezik permanent që të përsëriten, meqë, a duket, është zgjedhur rruga e gabuar për zgjidhjen e çështjes së pakicave kombëtare apo minoriteteve në Ballkan. 

Pra, derisa për zgjidhjen e çështjes së minoritetit serb në Kosovë është investuar e tërë Europa, si dhe dy qeveritë shqiptare, duke siguruar standarde tepër të larta, madje të papara në Europë dhe në botë, kurse për çështjen e shqiptarve si minoritet në Serbi (dhe në Maqedoni) është duke u aplikuar rruga e anashkalimit dhe injorimit e mospërfilljes.

Kjo është duke ndodhur realisht,  mbase nga shkaku se, sa duket, akoma ka njerëz të atillë në Ballkan që mendojnë se çështja e shqiptarve, siç thoshte dhe siç vepronte dikur regjimi i Kasapit të Ballkanit, Sllobodan Millosheviqit, se duhet zgjidhur sipas metodës së Srebrenicës në Bosne, "duke i vrarë të gjithë!", apo bashkëveprimtarit të tij Vojisllav Sheshelit, se "duhet dëbuar shqiptarët matanë Bjeshkëve të Nemura"!

Mospërfshirja e çështjes së shqiptarve të Luginës së Preshevës në Dialogun e Brukselit, mbase duhet të ketë ndodhur nga politikbërja e mbështetur në konceptin makabër, të cilin e përmendëm, që ia kishte pasë thënë troç në sy Presidenti i atëhershëm i Serbisë, Sllobodan Millosheviqi, të dërguarit Amerikan, Gellbart, gjatë vizitës së tij në Beograd. 

Historia e politikbërjes serbe në këto troje është e stërmbushur me shembuj të këtillë, të shfarosjes në masë, masakrave dhe gjenocidit ndaj kombeve dhe minoriteteve, e sidomos ndaj shqiptarve në Ballkan.

Historia e shumëvuajtur e shqiptarve të këtyre trojeve nga Serbia, akoma kullon gjak dhe kërcnon seriozisht paqen në Ballkan!

Mbase është koha e fundit që Europa, por edhe Republika e Kosovës dhe Shqipëria, ta kuptojnë se nuk mund të sigurojnë paqe, mirëqenie e stabilitet në vendet e tyre dhe në rajon e Europë, duke i sakrifikuar shqiptarët e kësaj ane, duke i poshtëruar e diskriminuar pafundësisht ata, si dhe duke dashur të bëhen "më katolikë se Papa", duke e ngritur çështjen e minoritetit serb në Kosovë mbi të gjitha standardet botërore, në njerën anë, si dhe duke e anashkaluar dhe duke e përjashtuar nga dialogu çështjen e shqiptarve të Luginës dhe jo vetëm, në anën tjetër!

Poqese dojmë sinqerisht paqe, drejtësi dhe stabilitet e mirëqenie në rajon, ato duhen siguruar për të gjithë, e kurrësesi jo duke duke favorizuar disa e duke diskriminuar të tjerët!

Andaj, mendojmë se Dialogu i Brukselit duhet të vendosë barazi, pajtim, paqe e mirëqenie për të gjithë në rajon. 

Por, vallë, a do të jetë e mundur dhe sa gjatë mund të ruhet paqa e stabiliteti duke i përjashtuar shqiptarët nga Dialogu Kosovë-Serbi në Bruksel?!

Ngjarjet që pasuan me shkatërrimin dhe demolimin e varrezave të serbëve gjithandej nëpër Kosovë,  pas heqjes me dhunë të Lapidarit të UÇPMB-së, më 20 janar 2013 në Preshevë, nga xhandarmeria e armatosur "deri në dhëmbë" e Serbisë, vërtetuan katërcipërisht se sa e brishtë është paqja e stabiliteti politik në këtë pjesë të Europës dhe se mjafton një "shkëndi", që të ndizet situata, duke rrezikuar të gjitha investimet dhe të arriturat 

e mundimëshme paqësore në këtë nënqiell.

Mbase, shqiptarët e Luginës së Preshevës mund të shpërfillen edhe kësaj radhe nga dy qeveritë shqiptare edhe në mbledhjen e 3 qershorit 2016, duke menduar se në këtë mënyrë "do i kontribuohej paqes dhe mirëqenies" në rajon. 

Druajmë se mpspërfilljes së tillë të çështjes së shqiptarve të Luginês së Preshevës nga dy qeveritë shqiptare, shqiptarët do i përgjigjeshin me shpërthimin e revoltës, pakënaqësisë dhe zemërimit në protesta masive nëpër rrugët e Prishtinës dhe Tiranës dhe gjithandej në qytetet e Kosovës dhe Shqipërisë, duke i shtuar edhe më tepër pakënaqësitë aktuale të shqiptarve në dy anët e kufirit.

Por, na merr mendja se ky do ishte gabim i madh historik, mbase i pafalshëm, që mund ta destabilizoj sërish rajonin, madje edhe më fuqishëm se se asnjëherë më parë!

 Sepse, kjo plagë në trupin gjithëkombëtar të shqiptarve në Ballkan, mbase edhe mund të anashkalohet nga dy qeveritë shqiptare, por kjo është me rrezik se do e shkaktoj reagimin e popullit shqiptar, që realisht do e rrezikonte paqen dhe stabilitetin në rajon dhe më gjërë!

Prandaj, konsiderojmë se vetëm me trajtimin e barabartë të çështjes së shqiptarve të Luginës së Preshevës me atë të serbëve të Kosovës në Dialogun e Brukselit dhe me trajtimin vëllazëror të kësaj çështje nga Qeveria e Republikës së Kosovës dhe ajo e Shqipërisë, si dhe nga BE dhe miqtë tanë ndërkombëtarë dhe nga bota demokratike, do t'i kontribuohej mirëqenies, paqes dhe stabilitetit në Ballkan, duke shndërruar atë nga "fuçi baruti" e rreziku e destabiliteti, në garancë  për paqen, mirëqenien dhe stabilitetin në rajon!

Zoti e bekoftë Republikën e Kosovës, Shqipërinë dhe Luginën e Preshevës!

Zoti i bektoftë të gjithë shqiptarët, kudo që janë!

Me respekt dhe dashuri të pafund vëllazërore,

Kryetari,

Mr. Nehat Hyseni

Prishtinë, më 24 maj 2016

U R O J M Ë

             

të gjithë qytetarët e Komunës së Bujanocit për konstituimin e suksesshëm të Kuvendit Komunal të Bujanocit, në mbledhjen e 16 majit 2016.

Gjithashtu, urojmë zgjedhjen e Kryetarit të ri të Komunës së Bujanocit, z. Shaip Kamberi, 

si dhe Kryetarit të KK, z. Jonuz Musliu, duke u dëshiruar suksese në punën fisnike që i pret në realizimin e shpresave dhe aspiratave të qytetarëve të kësaj komune për një jetë më të mirë dhe për ndaljen e shpërnguljes së shqiptarve nga kjo pjesë e Shqiptarisë.

Zoti e bekoftë komunën e Bujanocit, Luginën e Preshevës dhe të gjithë shqiptarët, kudo që janë!

Me respekt dhe dashuri vëllazërore,

Kryetari,

Mr. Nehat Hyseni

Prishtinë, më 17 maj 2016

Nxënësve shqiptarë të Luginës së Preshevës u duhen librat për të mësuar shqip, e jo para!

       R E A G I M

I nderuari Ministër Shala,

Fillimisht iu gëzuam aktit të dhënies së 450.000 (katërqindepesëdhjetë mijë) eurove, për tri vitet e ardhëshme, nga Ministri i Kulturës, Kujtim Shala, për Kosovën Lindore.

 Iu gëzuam këtij lajmi, sepse menduam se kjo qeveri, për dallim nga qeveria e kaluar e udhëhequr nga z. Hashim Thaçi, e cila gjatë shtatë vjetëve që kishte qeverisur Kosovën, asnjëherë nuk i kishte ftuar liderët e shqiptarve të Luginës, përveç rastit të krizës politike lidhur me Lapidarin e UÇPMB-së. 

Por, pas atij takimi, z. Thaçi kishte shfryrë kundër tyre me sharje, nënçmim e fyerje të tërbuar e primitive, me fjalë të pista, me fjalor të panjohur në qarqet diplomatike dhe në analet e historisë sonë të shumëvuajtur kombëtare.

Andaj, kjo ndihmë e premtuar dhe kjo mirëpritje ndaj disa liderëve të Luginës, të cilët pikërisht ishin objekt sharjesh dhe fyerjesh nga z. Thaçi, meqë kishin filluar aferën e Lapidarit për përfitime politike dhe kishin zhvilluar matrapazllëqe të pista, për përfitime personale, të cilat akoma kanë mbetur të pasqaruara deri në fund.

I nderuari Ministër i Kulturës z. Kujtim Shala, 

Me rastin e nënshkrimit të Marreveshjes së Mirëkuptimit me z.Musliu, Arifi dhe Mustafa, që të gjithë së bashku përbëjnë vetë gjysmën e këshilltarëve të KKSH-së, Ju i nderuari Ministër Shala, Ministria e Kulturës dhe Qeveria e Kosovës, druajmë se keni bërë me këtë rast, me (pa)dashje, gabim të shumëfishtë:

* keni pranuar vetëm një pjesë të spektrit politik të Luginës së Preshevës, që nuk e kishte bërë Kryeministri Mustafa, pak muaj më parë, duke u sugjeruar se "vetëm të kompletuar së bashku do i pranoj"! Kurse ju vepruat diametralisht ndryshe nga Kryeministri i Qeverisë suaj! 

* këta që i pranuat Ju, i nderuari Ministër Shala, janë të njohur për punët e pista që i përmendëm reth Lapidarit, kur luajtën me ndjenjat fisnike të familjarëve dhe shqiptarve dhe i tradhëtuan ata, kurse kësaj vere bënë "shou mediatik" me "Zajednicën" shqiptare në Serbi, dhe pastaj e shpërblyen me

*  "Zahvallnicë" (Mirënjohje) "për merita ndaj shqiptarve", pasuesin dhe bashkëpuntorin më të ngushtë të Vojvodës çetnik, të burgosurit të Hagës për krime lufte, Vojisllav Sheshelit, kryeministrin aktual të Serbisë, Aleksandar Vuçiqin! 

* Ka zëra dhe druajtje gjithashtu se këta mund ti kenë futur gishtat edhe në bllokimin e librave për nxënësit  shqiptarë nëpërmes lidhjesh kumbarie familjare që kanë me politikanët aktual të Serbisë, me qëllim të përfitimit të poenave të lirë politikë,

* Vetëm pranimi i përfaqësuesve të tërë spektrit politik të Luginës, mund të garantoj suksesi i plotë i politikave shqiptare në Luginë, e kurrësesi duke i ndarë e përçarë dhe duke i (keq) përdorur ata për qëllime e interesa të ndryshme politike e pragmatike.

Zoti Ministër Shala, 

nxënësve shqiptarë të Luginës së Preshevës u duhen libra shqip, për ta mbajtur gjallë arsimin shqip në këto troje të tyre stërgjyshore, e jo para! 

Sepse atyre u duhen librat shqip më shumë se buka që i mban gjallë, për ta ruajtur gjuhën e nënës dhe kulturën e tyre shqiptare në rethana dhe kushte tejet të vështira të frymëmarrjes shqip, nën zgjedhën e regjimit antishqiptar dhe fashist të Serbisë.

Prandaj, në emër të 6000 nxënësve shqiptarë, që u janë dedikuar ato libra, prindërve e familjarëve dhe të të gjithë shqiptarve të Luginës së Preshevës, 

Ju lusim me përulje dhe Ju kërkojmë!

që të bëni çmos që ta detyroni Serbinë që t'i zhbllokoj reth 105.000 copë librat shqip, të paguara nga taksapaguesit kosovarë, që i ka bllokuar në Terminalin doganor në Preshevë, duke vepruar reciprokisht edhe ju njësoj me librat për nxënësit serbë në Kosovë. 

Ju lutemi e ju përgjërohemi, të mos ua lejoni atyre librat pa marrë garancione me ndërmjetësimin e ndërkombëtarëve se edhe librat tona do lirohen!!!

Sepse, vetëm në këtë mënyrë do na ndihmonit më së miri!

Vetëm duke e kushtëzuar Serbinë, sipas parimit të reciprocitetit me serbët e Kosovës, Serbia do detyrohej të na respektoj të drejtat tona kombëtare dhe liritë e të drejtat qytetare e njerëzore.

U zhgënjyem pamasë dhe u dëshpruam pafund kur morëm vesh dhe me sytë tanë pamë dokumentacionin e nënshkruar nga Ministri i Arsimit, z. Bajrami dhe nga Dogana e Kosovës për lirimin e librave për serbët e Kosovës, edhepse ishit betuar se kurrë nuk do i lejoni ato, pa i liruar Serbia librat e Kosovës për nxënësit shqiptarë të Luginës?! 

Si mundët ta bëni këtë akt të papranueshëm tradhëtie dhe thikë pas shpine ndaj shqiptarve të Luginës?

Si është i mundur ky akt i papërgjegjshëm, I papranueshëm, antishtetëror e antikombëtar?

A thua, vallë, donacioni prej 450.000 eurosh u llogarit si "mito" apo shpërblim për ta harruar këtë akt të papranueshëm dhe qyqarë, që na ka tronditur thellë neve shqiptarve të Luginës dhe mbarë Shqiptarinë?!

Andaj, e nderuara Qeveri e Kosovës, 

I nderuari Kryeministër Mustafa, 

I nderuar Zëvendëskryeministër Thaçi, ministra, zëvendësministra dhe kabinet qeveritar i Kosovês, 

Ju lusim e Ju përgjërohemi që të na trajtoni vëllazërisht dhe me sinqeritet, sipas parimit të reciprocitetit, as më pak e as më shumë se si i trajtoni ju dhe Qeveria e Serbisë, serbët e Kosovës!

Sepse, edhe ne shqiptarët e Luginës së Preshevës frymojmë e jetojmë, qeshim e qajmë shqip, dhe qendër "gravitacioni" e kemi Prishtinën dhe Tiranën, ashtu si serbët e Kosovës e kanë Beogradin e Moskën.

Pa ndihmën tuaj të vendosur e të sinqertë, duke realizuar pikë për pikë Rezolutën e Kuvendit të Kosovës të 6 qershorit 2013, ne shqiptarët e Luginës së Preshevës nuk mund të qëndrojmë në këto troje tona stërgjyshore, si "peshku në zallë" dhe herët a vonë, do i braktisim e do ia lëmë Serbisë, duke ia shkēputur trungut kombëtar këtë rajon që dijetarët e quajtën "Perlë e Ballkanit"!

Zoti e bekoftë Kosovën, Luginën e Preshevës dhe

mbarë Shqiptarinë!

Me respekt e dashuri vëllazërore,

Kryetari,

Mr. Nehat Hyseni 

Prishtinë, më 26 janar 2016

Përshëndesim Marrëveshjen Kosovë-Serbi, për njohjen reciproke të dokumentacionit arsimor

Kjo Marrëveshje e arritur midis ekipeve negociuese të Kosovës dhe Serbisë, në Bruksel, për njohjen reciproke të dokumentacionit arsimor, dmth të dëftesave dhe diplomave midis Kosovës dhe Serbisë, në të gjitha nivelet e arsimit: që nga shkolla fillore, e mesme, e lartë, fakultetet, si dhe ato pasuniversitare, dmth. masterat, magjistraturat dhe doktoraturat, specializimet, etj., ka rëndësi të madhe për shqiptarët e Luginës së Preshevës.

Ky hap i vogël i përparimit të dialogut të Brukselit për përmirësimin e raporteve midis Kosovës dhe Serbisë, ka rëndësi të madhe, madje jetike për shqiptarët e Luginës së Preshevës. 

Sepse, të diplomuarit apo të specializiarit shqiptarë nga Lugina në universitetet e Kosovës deri tani kanë hasur në pengesa serioze për shkak të mosnjohjes së diplomave dhe specializimeve të tyre.

Prandaj, kjo çështje ka qenë brengë e madhe për ata dhe objekt angazhimi të subjekteve dhe personaliteteve politike të Luginës në Ministrinë e Arsimit në Qeverinë e Serbisë për shumë kuadro nga Lugina, të cilëve nuk u njiheshin specializimet dhe diplomat e Kosovës.

Pikërisht, mospranimi i diplomave të Kosovës ka qenë shkak i shpërnguljes së të rinjëve, ekspertëve e specialistëve nga Presheva Bujanoci dhe Medvegja.

Urojmë që të mos dalin pengesa apo kushtëzime joparimore shtesë, ashtu si din Serbia t'i bëjë "bisht" dhe ta kushtëzoj e t'i bëjë obstruksione të pafund marrëveshjeve me Kosovën, duke i dëmtuar rëndë dhe duke ua vështirësuar e nxirë jetën shqiptarve të kësaj pjese të gjeografisë shqiptare.

Urojmë që kjo marrëveshje të filloj sa më parë të aplikohet nga organet kompetente të Serbisë dhe Kosovës.

Gjithashtu urojmë që të arrihen marrëveshje të tjera në këtë drejtim, si psh. zhbllokimi i librave për nxënësit shqiptarë të Luginës, që janë bllokuar qe gjashtë muaj në tefminalin doganor në Preshevë, si dhe të hiqen barrierat e përdorimit të barabartë të gjuhës shqipe në administratën e pushtetit lokal, përdorimin e lirë të simboleve dhe flamurit kombëtar, etj.

Ju falemnderojmë dhe përshëndesim përzemërsisht!

Zoti e bekoftë Kosovën, Luginën e Preshevës dhe mbarë Shqiptarinë!

Me respekt dhe dashuri vëllazërore,

Kryetari,

Mr. Nehat Hyseni

Prishtinë, më 25 janar 2016

Nga promovimi i librit "Golgota shqiptare", lokali "Ditë e natë",

Subject: Prishtinë,më 28.11.2010

Nga promovimi i librit "Golgota shqiptare", lokali "Ditë e natë",nga e majta: Veton Zejnullahu,anëtar i Kryesisë së Shoqatës së Shqiptarëve të Luginës së Preshevës që jetojnë në Kosovë (SHQLPK), Prof.dr.Hysamedin Feraj, Mr.Nehat Hyseni,kryetar i SHQLPK,Prof.dr.Zejnulla Gruda profesor veteran i Universitetit të Prishtinës,Prof.dr.Gani Jashari,Ing.i dipl. Nehat Salihu dhe Ing. Sabri Bekteshi, anëtarë të Kryesisë të SHQLPK

Subject: Pas mbledhjes së Kryesisë së SHQLPK,

Subject: Pas mbledhjes së Kryesisë së SHQLPK, Prishtinë, më 5.12.2010

Mbledhja e Kryesisë së SHQLPK mbajtur më 5.12.2010

Mbledhja e Kryesisë së SHQLPK
mbajtur më 5.12.2010

Në mbledhje ishin të pranishëm të gjithë anëtarët e Kryesisë, përpos Ferid Selimit,i cili gjendej në Preshevë.
Rendi i ditës:
1.Shqyrtimi i disa çështjeve aktuale të veprimit të Shoqatës
2. Shqyrtimi dhe aprovimi i logos 
3. Shqyrtimi  dhe miratimi i dizajnit të web faqes
4.Formimi i arhivës së Shoqatës
5.Të ndryshme
6.Vizita e Rivistës sportive në Sallën e Kuqe në Pallatin e rinisë

Rendi i ditës u miratua njëzëri.
Lidhur me pikën e parë, Kryetari N.Hyseni theksoi nevojên e gjetjes së ndonjë lokali të përshtatshëm dhe të vendosjes së inventarit, i cili êshtë vendosur përkohësisht në një objekt privat të marrë me qira.
Të gjithë u pajtuan se kjo çështje don zgjidhje, por se duhet pritur të kalojnë zgjedhjet, për të biseduar me   sreukturat komunale.
2.Logoja e Shoqatës me pamjen e prezantuar: tri dallëndyshe të vizatuar nga i ndjeri mr.Abdulla Bekteshi, si dhe vendosja e tyre në kornizë rethore dhe dizajnimi i sfondit dhe pamjes së kompletuar është bërë nga Besian Hyseni,student i vitit të dytë të Fakultetit të Stomatologjisë në Tiranë.Logoja u miratua njëzëri.
3.Sa i përket dizajnimit të web faqes www.luginapsh.com u tha se mund të bëhen disa ndryshime gjatë kohës.U konstatua me bindje të plotë se me anë të sajë dhe e-mailit: info@luginapsh.com do të mundësohet një komunikim dhe transparencë e domosdoshme.
U shprehë nevoja që kjo webfaqe të prezantoj aktivitetet si dhe punime e kontribute të ndryshme shkencore me interes për opinionin e gjërë.
Gjithashtu u theksua nevoja e ndërlidhjes së kësaj web faqeje me presheva.com, medvegja.netdhe me webfaqe të tjera të Kosovës lindore dhe më gjerë.
U vendos që z. Hasan Emërllahu të shkruaj historikun e Shoqatës për rubrikën " Reth nesh" ("about us"),sepse Ai si Kryetar i parë i sajë, disponon tërë materialin e nevojshëm për këtë.
4.Formimi i Arhivës së Shoqatës u vlerësua se është e domosdoshme, sepse ka shumë momente e ngjarje të historikut të veprimit të sajë që nuk guxojnë të lihen në harresë.Edhe kjo detyrë iu besua z.Hasan Emërllahu, i cili u zotua se do ta realizoj me kënaqësi dhe deklaroi se ka material dhe informata të mjaftueshme për këtë dhe se do ta realizoj këtë në një afat sa më të shkurtër kohorë, për ta publikuar pastaj në www.luginapsh.com.
5. Të ndryshme nuk pati.
6.Pastaj, kryetari Nehat Hyseni i informoi të pranishmit për Ftesën e bërë nga trajneri i mirënjohur Preshevar, mjeshtri i Tekvondos z.Astrit Agushi, e që do të fillonte në orën 16:30,në Sallën e Kuqe.
Meqenëse Veton Zejnullahu dhe Hasan Emërllahu deklaruan se janë të zënë me obligime të tjera dhe se nuk mund të marrin pjesë në ate, Rivistën e vizituan: Nehat Hyseni, Sabri Bekteshi dhe Nehat Salihu.
Vizita kësaj Riviste sportive të sporteve luftarake ishte një kënaqësi e madhe, ku u pritën në hyrje nga z.Arsim Agushi, trajner dhe mjeshtër i brezit të zi, niveli 3.Dan.Ai na njoftoi se një pjësë të këtij spektakli do ta udhëheqë ish studenti i Tij dhe një pjesë vetëm.
Kënaqësi dhe suprizë e madhe na u bë edhe nga fakti se z.Nehat Salihu është mjeshtër i Xhudos, i cili 17 vjet rresht ka qenë aktiv në këtë sport dhe ka marrë pjesë në gara në të gjitha nivelet, si dhe në garat Federative të ish Jugosllavisë dhe në kolekcionin e vet të medaleve dëshmohwn dhe ruhen me zhelozi dhuratat dhe peharet e fitoreve të shumta.
Për të Hu prezentuar sadopak atmosferën e këtij spektakli, po Ju sjellim disa fotografi.

Njoftim, Ferid Selimi dorëheqje

Subject: SHQLPK- njoftim, Feridi

E nderuara kryesi i SHQLPK, 
I nderuari kryetar i SHQLPK 
Ju njoftoj qe per shkak te obligimeve te shumeta personale, une,  Ferid Selimi, nenkryetar i kryesise se SHQLPK, jam i detyruar te jap doreheqjen nga anetari i kryesise, perkatesisht nga nenkryetari i kryesise se SHQLPK. 
Kujtoj qe mosprezenca ime ne cilesine e nenkryetarit te SHQLPK ne disa tubime dhe ne mbledhje te caktuara nga kryesia, ka ndikuar dhe ndikon ne shume veprime te mbara dhe ne funksionimin e mirefillte te Shoqates. Andaj, nuk dua qe une te jem ose te mbetem pengese e zhvillimeve te metutjeshme te aktiviteteve te Shoqates. Udhetimi im i perjavshem per ne Tirane (tri dite ne jave i kaloj ne Tirane, per shkak te studimeve te mia te doktorates) e ben te pamundur ushtrimin e kesaj detyre. Duke pasur per baze pamundeisne e prezences sime ne tubimet dhe ne mbledhjet e kryesise se Shoqates per shkak te ketyre udhetimeve te shpeshta ne Tirane dhe obligimeve qe dalin nga keto studime, kam vendosur qe prej sot e tutje te heq dore nga nenkryetari i kryesise se SHQLPK si dhe nga anetari i kryesise i SHQLPK. 
Juve suksese ne punen e metejme.
Shpresoj te mirekuptohem. 
Sinqerisht, i juaji Ferid Selimi

Shoqatës së shqiptarve të Medvegjës që jetojnë në Kosovë

              Ftesë

për bashkëpunim vëllazëror dhe për unifikim të veprimit

Të dashur vëllezër shqiptarë nga Medvegja!

Ju ftojmë përzemërsisht për bashkëpunim të ngushtë e vëllazëror, në aktivitete tona të përbashkëta e fisnike, për t'i kontribuar:

- përmirësimit të gjendjes jashtëzakonisht të pavolitëshme të një pjese bukur të madhe të qytetarve nga Lugina, që gjenden në Kosovë, por pa dokumenta dhe pa trajtim adekuat të të shpërngulurve nga dhuna serbe në vitet e 90-ta, sipas standardeve që aplikohen për refugjatët, duke u përfshirë e regjistruar nga UNHCR-i dhe nga Qeveria e Kosovës,

- për hapjen e Zyrës për Luginën në Prishtinë dhe në Gjilan;

- për përmirësimin e gjendjes së vështirë të shqiptarve të Luginës së Preshevës, sipas parimit të reciprocitetit me serbët e Kosovës;

- për hapjen e Konzullatës apo Zyres së Kosovës, si dhe Ambasadës së Shqipërisë në Luginë;

- për realizimin e plotë të Rezolutës së Kuvendit tē Kosovës për Luginën, etj.

- për realizimin e plotë të Rezolutës së Kuvendit të Kosovës për Luginën, si dhe

për përfshirjen e çështjes së Luginës në Dialogun e Brukselit, etj.                   

 Andaj, mirëpresim bashkëpuniminm tuaj dhe ju bëjmë me dije se ndjehemi më të fortë me ju në aktivitetet e përbashkëta e fisnike për përmirësimin e gjendjes së qytetarve tanë në Preshevë, Bujanoc e Medvegjë, që konsiderohen si komuniteti më i rrezikuar aktualisht në Europë.

Fillimisht, ju ftojmë që ta organizojmë përgatitjen dhe nënshkrimin e Peticionit për përfshirje e çështjes së shqiptarve të Luginës në Dialogun e Brukselit, si dhe për senzibilizimin e Qeverisë së Kosovës për hapjen e zyrave në Prishtinë e Gjilan, por të angazhohemi edhe për hapjen e Zyres së Kosovës dhe Konzullatës së Shqipërisë në Luginë.

Konsiderojmë se të bashkuar, me një organizim e angazhim të sinqertë dhe të devotshëm, bashkërisht, më lehtë mund t'ia dalim!

Na priftë e mbara!

Urime dhe suksese!

Zoti i bekoftë shqiptarët, kudo që janë!

Me respekt,

Kryetari,

Mr. Nehat Hyseni 

Prishtinë, më 23 janar 2016

Me rastin e dhjetëvjetorit të vdekjes së Presidentit Historik të Kosovës, Dr. Ibrahim Rugovës,

nga ne shqiptarët e Luginës së Preshevës, që jetojmë në Kosovë, 

I nderuari Kryetar i Lidhjes Demokratike dhe Kryeministër i Kosovës, Akademik Isa Mustafa,  

pranoni ngushëllimet tona më të sinqerta për dhjetëvjetorin e shkuarjes në amshim të Dr. Ibrahim Rugovës, Kolosit të Shqiptarisë, njeriut dhe politikanin më të urtë në trojet shqiptare dhe në Kosovën e tij të dashur.

Lavdi e përjetëshme veprës së Tij heroike e intelektuale dhe Prijësit tonë të urtë e të vendosur, që na solli Lirinë dhe Pavarësinë!

Qoftë i përjetshëm bekimi dhe lavdia, si dhe faleminderimi i pafund për vizionin e tij largpamës, me fjalë të buta dhe mesazhe të forta, drejtë së ardhmes tonë në Liri e Pavarësi!

Zoti e bekoftë Presidentin tonë Historik, Dr. Inrahim Rugovën, Kosovën dhe mbarë Shqiptarinë!

Me respekt e krenari,

Kryetari,

Mr. Nehat Hyseni

Prishtinë, më 21 janar 2016

Urime dhe Ftesë për bashkëpunim vëllazëror!

Me rastin e formimit, në Fushë Kosovë, të Degës së Lëvizjes Qytetare "Vatra", me seli në Gjilan, ne anëtarët e Shoqatës së Qytetarve të Luginës së Preshevës, me seli në Prishtinë,

JU UROJMË PËRZEMËRSISHT 

FORMIMIN E DEGËS SË LËVIZJES QYTETARE "VATRA"

dhe ju dëshirojmë sukses në veprimtarinë tuaj fisnike për t'i kontribuar:

- përmirësimit të gjendjes jashtëzakonisht të pavolitëshme të një pjese bukur të madhe të tyre, që gjenden në Kosovë, por pa dokumenta dhe pa trajtim adekuat të të shpërngulurve nga dhuna serbe në vitet e 90-ta, sipas standardeve që aplikohen për refugjatët, duke u përfshirë e regjistruar nga UNHCR-i dhe nga Qeveria e Kosovës,

- për hapjen e Zyrës për Luginën në Prishtinë dhe në Gjilan;

- për përmirësimin e gjendjes së vështirë të shqiptarve të Luginës së Preshevës, sipas parimit të reciprocitetit me serbët e Kosovës;

- për hapjen e Konzullatës apo Zyres së Kosovës, si dhe Ambasadës së Shqipërisë në Luginë;

- për realizimin e plotë të Rezolutës së Kuvendit tē Kosovës për Luginën, si dhe

- për përfshirjen e çështjes së Luginës në Dialogun e Brukselit, etj.        

           

  Andaj, mirëpresim formimin e Degës tuaj dhe ndjehemi më të fortë me ju, në aktivitetet fisnike dhe sfidat për përmirësimin e gjendjes tonë në Luginë, që konsiderohemi si komuniteti më i rrezikuar aktualisht në Europë!

Fillimisht ju ftojmë që ta organizojmë përgatitjen dhe nënshkrimin e "Peticionit për përshirjen e çështjes së shqiptarve të Luginës në Dialogun e Brukselit", si dhe për senzibilizimin e Qeverisë së Kosovës për hapjen e zyrave në Prishtinë dhe Gjilan.

Konsiderojmë se të bashkuar, me një organizim e angazhim të sinqertë dhe të devotshëm, bashkërisht, më lehtë mund t'ia dalim!

Na priftë e mbara!

Urime dhe suksese!

Zoti e bekoftë Kosovën dhe Luginën e Preshevës!

Zoti i bekoftë shqiptarët, kudo që janë!

Me respekt,

Kryetari,

Mr. Nehat Hyseni 

Prishtinë, më 10 janar 2016

APEL OPOZITËS DHE QEVERISË SË KOSOVËS, PËR DIALOG DHE KUNDËR DHUNËS

Situata politike dhe e sigurisë në Kosovë, në një periudhë kohore relativisht të gjatë, është në krizë, të shkaktuar nga inatet personale të lidershipit dhe nga protestat e dhunëshme të opozitës, si dhe nga bllokimi dhe pengimi i dhunshëm i punës së Kuvendit të Kosovës, ka marrë përmasa brengosëse dhe alarmante!

Prandaj, kërkojmë  zgjidhje urgjente të kësaj situate të padurueshme, që po shkakton prishjen e imazhit demokratik të Republikës së Kosovës në botë.

Neve qytetarve të Luginës së Preshevës, që jetojmë e punojmë në Kosovë, kjo situatë e nderë e tensioneve politike dhe protestave, na duket e papranueshme dhe konsiderojmë  se duhet ndryshuar urgjentisht.

Andaj, apelojmë tek kryeministri Mustafa që t'i ftoj liderët e opozitës për dialog dhe për gjetje të përbashkët të zgjidhjes politike për zgjidhjen e kësaj krize.

Gjithashtu, jemi të bindur se ka ardhur koha që, pas vendimit të Gjykatës Kushtetuese për rishikimin e Marrëveshjes së Brukselit, edhe çështja e shqiptarve të Luginës së Preshevës të inkorporohet si e barabartë me atë të serbëve të Kosovës, sipas parimit të reciprocitetit, konform Rezolutës së Kuvendit të Kosovës për Luginën, të 6 qershorit 2013.

Deklarojmë se skenat e dhunëshme dhe hedhja e koktejve të "molotovit" në protestat e 9 janarit 2016 dhe vënia e flakës ndërtesës së Qeverisë, autoblindave të policisë dhe policëve, janë veprime barbare, të papranueshme dhe ne i gjykojmë rreptësisht!

Me respekt,

Kryetari,

Mr. Nehat Hyseni 

Prishtinë, më 9 janar 2016

KRYESIA E LËVIZJES QYTETARE “VATRA” -DEGA NË FUSHË KOSOVË

1. Fehmi Ramadani, kryetar 

(Preshevë)- 045/890-100

2. Shahin Idrizi, nënkryetar

 (Bujanoc) -044/205-700

3. Sadri Syla, nënkryetar

(Medvegjë)-044/219-779

4. Lulzim Ibishi, anëtar

(Preshevë)- 044/912-214

5. Gjelbrim Halili, anëtar

(Bujanoc) -045/451-012

6. Veli Jaha, anëtar

(Medvegjë)- 044/577-830

7. Liridon Gjeladini, anëtar

(Medvegjë)-045/622-082

8. Mustafë Jahiu, anëtarë

(Preshevë)-045/622-082

9. Besnik Latifi, anëtar

(Bujanoc)- 044/234-114

10. Emin Sulejmani, anëtar

(Preshevë)-044/198-892

11. Hasan Ismajli, anëtar

(Medvegjë)-044/441-042.

U R. O. J. M. Ë KRISHTLINDJET ORTODOKSE

Të gjithë shqiptarve ortodoksë në Maqedoni dhe kudo që janë, ne shqiptarët e Luginës së Preshevës që jetojmë e punojmë në Kosovë, i 

          U  R. O. J. M. Ë 

KRISHTLINDJET ORTODOKSE

dhe ju urojmë nga zemra paqe, begati e mirësi në familjet tuaja, si dhe kthimin e juaj patriotik në identitetin tuaj kombëtar shqiptar, të trashëguar nga stërgjyshërit tuaj, "dem baba dem".

Të dashur vëllezër shqiptarë të besimit Ortodoksë, në Maqedoni, 

MIRËSEERDHËT NË GJIRIN E VËLLEZËRVE TUAJ SGQIPTARË!

Me këtë dëshmuat se iu kthyet rrënjëve tuaja të mirëfillëta kombëtare shqiptare, duke dëshmuar guximshëm dhe me vendosmëri se të gjithë ne, ashtu si dhe kombet e tjera në Ballkan, në Europë dhe gjithandej nëpër botë, së pari jeni shqiptarë, e pastaj jemi myslimanë, ortodoksë, katolikë, etj.

Me këtë rast, e falemnderojmë në veçanti patriotin e palodhshëm shqiptar nga Maqedonia, vëllaun tonë të madh, Prof. Dr. Branisllav Sinadinovski, i cili mori guximin dhe kurajon patriotike dhe ia doli t'i kaloj me sukses sfidat për arritjen e këtij suksesi madhorë: kthimit të shqiptarve të Maqedonisë trungut etnik shqiptarë dhe ndërprerjen e deklarimit të tyre si maqedonas, vetëm e vetëm pse kishin të njejtën fe me ata. 

Një situatë të tillë e kishim dikur, para 40-50 vitesh me shqiptarët myslimanë në Maqedoni, në Kosovë dhe në Luginë të Prrshevës, kur ata, të joshur e të shtyer nga regjimi antishqiptarë i Jugosllavisë së atëherëshme dhe UDB-së në krye me kasapin dhe xhelatin e atëhershëm, Aleksandar Rankoviqin, deklaroheshin si turqë dhe detyroheshin që ta braktisin vendlindjen e tyre stërgjyshore, e të shpërnguleshin në Turqi.

Andaj, me kthimin tuaj dinjitozë e patriotik në gjirin e Vëllazërisë gjithëshqiptare, ju të nderuar vëllezër i keni hapur horizonte të reja gjeneratave të tanishme dhe sidomis atyre të ardhëshme për një mirëqenie dhe perspektivës më të ndritëshme, si dhe keni forcuar edhe më tepër trungun kombëtar të shqiptarve në Ballkan.

Zoti i bekoftë shqiptarët e të gjitha besimeve fetare, kudo që janë!

Me respekt e dashuri vëllazërore,

Kryetari,

Mr. Nehat Hyseni

Prishtinë, më 6 janar 2016

A P E L PËR PROTESTA TË PADHUNËSHME TË 9 JANARIT 2016

              

Meqë jemi në vigjilie të protestave tê paralajmëruara të Opozitës, që përfshinë Lëvizjen Vetëvendosje, AAK-në dhe Nismën, për datë 9 janar 2016, ned si Shoqatë e Shqiptarve të Luginës, me seli në Prishtinë

          APELOJMË

tek Opozita, Pozita dhe 

tek të gjithë protestuesit

 për demonstrim dhe protesta rë padhunëshme, të qeta e civilizuese, duke mos dëmtuar pronën shtetërore, publike dhe atë private.

Urojmë që të mos përsëriten skenat e 24 janarit 2014, kur rrugët e Prishtinës ishin shndërruar në arenë luftimi midis protestuesve dhe Policisë së Kosovës, duke shkatërruar paturpësisht pronën publike  dhe atë private dhe duke rrezikuar jetën e policëve dhe protuestuesve.

Gjithashtu, bëjmë apel tek Qeveria e Kosovës, që të gjej rrugë dhe forma komunikimi civilizues me opozitën dhe të hapin së bashku shtigje të reja bashkëpunimi mes veti, në interes të demokracisë dhe mirëqenies e Pavarësisë e Sovranitetit të plotë të Republikës së Kosovës dhe integrimit të saj në BE dhe në strukturat euroatlantike.

Zoti e bekoftë Kosovën!

Zoti i bekoftë shqiptarët, kudo që janë!

Me respekt, 

Kryetari,

Mr. Nehat Hyseni

Prishtinë, më 7 janar 2016